This woman wears the same dress fasting 3 years

کام پر جانے کے لئے روزانہ کپڑوں کا انتخاب ایک مشکل چیز ہے لیکن اس کا حل ایک امریکی خاتون نے بہت دلچسپ نکالاہے۔میٹلیڈا کہل کا کہنا ہے کہ گذشتہ تین سال سے اس نے ایک ہی رنگ کالباس زیب تن کررکھا ہے اور وہ بہت سے مسائل سے آزاد زندگی گزار رہی ہے۔

میٹیلیڈا ایک ایڈورٹائزنگ ایجنسی میں کام کرتی ہے جہاں اسے مختلف بڑے پراجیکٹس پر کام کرنا ہوتا ہے اور روز روز کپڑوں کی تبدیلی اور انتخاب کے جھنجھٹ کی وجہ سے اس نے ایک روز فیصلہ کیا کہ وہ ایک ایسا یونیفارم ڈیزائن کرے گی جو وہ روز پہن کر جائے گی ۔حال ہی میں دئیے گئے ایک انٹرویو میں اس کا کہنا تھا کہ وہ روز روزکپڑوں کے انتخاب میں بہت سی توانائی ضائع کردیتی تھی اور اس چیز سے بہت تنگ تھی لیکن پھر ایک دم اسے خیال آیا کہ کیوں نہ ایسا لباس بنایا جائے جو وہ روز پہن سکے۔اس خیال کے دل میں آتے ہی وہ نزدیکی بازار میں گئی اور سفید اور سیاہ رنگ کا کپڑا خریدا اور ایک ہی طرح کے چھ لباس بنا لئے تا کہ روز روز لانڈری کا مسئلہ بھی نہ ہو۔اب وہ کہیں بھی جاتی ہے تو اس لباس کا مسئلہ درپیش نہیں ہوتا۔اس نے جب اپنی اس کاوش کا ذکر ایک آرٹیکل میں کیا تو لوگوں نے اسے بہت سراہا۔میٹیلیڈا کا کہنا ہے کہ اس عادت کی وجہ سے اس کا بہت سا قیمتی وقت اور سرمایہ بچ جاتاہے۔