started to Friday prayers in all mosques and prayer will be paid one time :Islamabad

وفاقی وزیر مذہبی امور سردار یوسف نے کہا ہے کہ جمعہ سے اسلام ا باد کی تمام مساجد میں ایک ہی وقت میں اذان اور نماز ادا کی جائے گی ، جمعہ کو فیصل مسجد میں نماز جمعہ کی ادائیگی سے نظام صلوۃپر عملدر آمد شروع ہو جائے گا۔ امام کعبہ کے اعزاز میں ظہرانے سے خطاب کرتے ہوئے وفاقی وزیر مذہبی امور سردار یوسف نے کہا کہ یکم مئی سے اسلام آباد میں تمام مساجد میں ایک ہی وقت میں نماز ادا کی جائیگی ، تمام مسالک کے علماء4 نے اس بات پر اتفاق کرلیا ہے ، جمعہ کو فیصل مسجد میں نظام صلوٰۃ کا آغاز کیا جائیگا ، صدرمملکت بھی جمعہ کی نماز فیصل مسجد میں ادا کرینگے ، اسلام آباد کے بعد پورے ملک میں نظام صلوٰۃ قائم کیا جائیگا۔ سعودی عرب کی سلامتی کے حوالہ سے وفاقی وزیر کا کہنا تھا کہ کسی کو حرمین شریفین کی طرف دیکھنے کی جرات نہیں ، کسی کو حرمین شریفین کی طرف دیکھنے کی جرات نہیں ، پاکستان نے حرمین شریفین اور سعودی عرب کے تحفظ پر دو ٹوک موقف اپنایا ہے۔

The entire region will benefit from the economic corridor: Pakistan

 وفاقی وزیر برائے ترقی و منصوبہ بندی احسن اقبال نے کہا کہ پاک چین اقتصادی راہداری سے چاروں صوبے فائدہ اٹھائیں گے۔ راہداری کا روٹ بدلنے کی باتیں بے بنیاد ہیں۔ وفاقی وزیر برائے ترقی و منصوبہ بندی احسن اقبال کا کہنا ہے کہ پاک چین اقتصادی راہداری کا منصوبہ گیم چینجر ہے۔ اقتصادی راہداری سے پورے خطے کو فائدہ ہو گا۔ وفاقی وزیر نے کہا کہ گوادر کو تین مرکزی شاہراؤں سے منسلک کیا جائے گا۔ گوادر پورٹ کا سب سے زیادہ فائدہ بلوچ عوام کو ہو گا۔ احسن اقبال کا کہنا تھا اج پاکستان کو سرمایہ کاری کے لیے محفوظ ملک تصور کیا جا رہا ہے۔ پاکستان کی حقیقی تبدیلی یہی ہے جو اگئی ہے۔

Israel was responsible for the aggression in Gaza

 اقوام متحدہ کی انکوائری کمیٹی نے اسرائیل کو غزہ میں جارحیت کا ذمے دار قرار دیدیا۔عالمی میڈیا کے مطابق غزہ کے متعلق اقوام متحدہ کی تحقیقات کمیٹی نے اپنی رپورٹ مکمل کرلی ہے جس کے مطابق 2014 میں اسرائیل نے غزہ میں فلسطینی پناہ گزینوں کے اسکولوں اور کیمپوں پرجان بوجھ کر فضائی بمباری اورٹینکوں سے شیلنگ کی جس سے بڑے پیمانی پرجانی نقصان ہوا۔ نشانہ بنائی گئی عمارت میں 3 ہزارشہری سورہے تھے بم گرتے ہی عمارت خون ا?لود کپڑوں ، بستروں اور ملبے کا ڈھیر بن گئی۔ اقوام متحدہ کے سیکریٹری جنرل بان کی مون نے اسرائیلی جارحیت پر تشویش کا اظہار کیا ہے۔

Mirza can keep private guards, HC

سندھ ہائی کورٹ نے سابق وزیر داخلہ سندھ ڈاکٹر ذوالفقار مرزا کی سیکیورٹی سے متعلق درخواست پر فیصلہ دیا ہے کہ ذوالفقار مرزا پرائیوٹ گارڈ رکھ سکتے ہیں۔سندھ ہائی کورٹ میں سابق وزیر داخلہ سندھ ڈاکٹر ذوالفقار مرزا نے درخواست دائر کی تھی کہ سندھ حکومت کی جانب سے ان کو دی گئی سیکورٹی واپس لے لی گئی ہے جبکہ ان کی اہلیہ سابق اسپیکر قومی اسمبلی بھی ہیں لیکن ان کی سیکیورٹی ی بھی واپس لے لی گئی ہے جس کے باعث ان کی جانوں کو خطرہ ہے عدالت بھی ان کو سیکیورٹی فراہم کرنے کی ہدایت کرچکی ہے۔گزشتہ روز سندھ ہائیکورٹ کے جسٹس سجاد علی شاہ کی سربراہی میں 2رکنی بنچ نے اس درخواست کی سماعت کی اور فریقین کے دلائل سننے کے بعد فیصلہ محفوظ کیا تھا عدالت نے اپنافیصلہ سناتے ہوئے کہا ہے کہ ذوالفقار مرزا پرائیوٹ سیکورٹی گارڈ رکھ سکتے ہیں جبکہ عدالت کا کہنا ہے کہ مدعی نے دوران سماعت انور مجید اور فریال تالپور کی سیکورٹی کے حوالے دیئے تھے عدالت کو بتایا جائے کہ ان کی سیکیورٹی پر کتنے پولیس اہلکار تعینات ہیں اور کس پالیسی کے تحت ہیں جبکہ سابق وزرا کی سیکیورٹی کے حوالے سے کی جانےوالی پالیسی کے بارے میں بھی عدالت کو آگاہ کیا جائے۔عدالت نے اپنے فیصلے میں کہا ہے کہ اگر کسی سابق وزیر کو سیکورٹی رکھنے کا استحقاق نہیں تو سب کےساتھ مساوی رویہ رکھا جائے عدالت نے مزید سماعت 11 مئی تک ملتوی کردی۔

Hindu and Muslim at the same time, Salman Khan

بالی ووڈ کے دبنگ اسٹار سلمان خان نے غیر قانونی اسلحہ کیس کی سماعت کےدوران جج کی جانب سے پوچھے گئے سوال پر خود کو بیک وقت ہندو اور مسلمان قرار دے دیا۔بھارتی میڈیا کے مطابق بالی ووڈ اسٹار سلمان خان غیر قانونی اسلحہ کیس کی سماعت کے موقع پرجودھ پور کی عدالت میں پیش ہوئے جہاں ان کے مداحوں کی بڑی تعداد بھی جمع تھی جب کہ عدالت میں دوران سماعت جج کی جانب سے جب سلمان خان سے سوالات کیے گئے تو ایک سوال کے جواب پر بالی ووڈ اسٹار کا کہنا تھا کہ وہ ایک بھارتی ہیں تاہم ان کی والدہ ہندو اور والد مسلمان ہیں اس لیے وہ بیک وقت ہندو اور مسلمان ہیں۔واضح رہے کہ سلمان خان پر1998 میں جودھ پور میں کالے ہرن کے غیرقانونی شکار کا الزام عائد کیا گیا تھا جب کہ محکمہ جنگلات نے ان کے خلاف کالے ہرن کے شکار کے علاوہ غیرقانونی اسلحہ کا کیس بھی دائر کررکھا ہے۔